teri yaad saath hai…

main jahaan rahoon
main kahin bhi hoon
teri yaad saath hai

jaane kiski talaash unki aankhon mein thi
aarajoo ke musaafir bhatakte rahein
jitane bhi woh chale
utane hi bichh gayein raah mein faasalein
kwaab manjil thi aur manjilein khwaab thi
raaston se nikalate rahein raaste
jaane kis waste
aarjoo ke musaafir bhatkate rahein

main jahaan rahoon
main kahin bhi hoon
teri yaad saath hai
kisi se kahoon
ke nahi kahoon
yeh jo dil ki baat hai
kehne ko saath apane ek duniya chalti hai
per chhupke is dil mein tanhaayi palti hai
bas yaad saath hai
teri yaad saath hai – 3
main jahaan rahoon
main kahin bhi hoon
teri yaad saath hai

koi puraani yaad mera rasta roke
mujhse kehti hai itani jalati dhoop mein yuun kab tak ghumoge
aayo, chalke bitein dino ki chhanv mein baithe
us lamhein ki baat karein
jisme koi phool khila tha
us lamhein ki baat karein
ke jisme kisi aawaaz ki chaandi khanak uthi thi
us lamhein ki baat karein
ke jisme kisi ki nazaron ke moti barse the
koi puraani yaad mera rasta roke mujhse kehti hai
itani jalati dhoop mein yuun kab tak ghumoge

kahin to dil mein yaadon ki
ek suli gad jaati hai
kahin har ek tasveer
bahut hi dhundhali pad jaati hai
koi nayi duniya ke naye
rango mein khush rehta hai
koi sab kuch paake bhi
yeh mann hi mann kehta hai
kehne ko saath apne ek duniya chalti hai
per chhupke is dil mein tanhaayi palti hai
bas yaad saath hai
teri yaad saath hai – 3

sach toh yeh hai
kasoor apna hai
chaand ko chuune ki tamanna ki
aasamaan ko jamin par maanga
phool chaaha ki paththaron pe khilein
kaanton mein ki talaash khushboo ki
aarjoo ki ke aag thandak de
barf mein dhundate rahein garmi
khwaab jo dekha
chaaha sach ho jaaye
iski humko saja toh milani hi thi
sach toh yeh hai kasoor apana hai

kahin to beete kal ki yaadein
dil mein hi utar jaati hai
kahin jo dhage tute to maalaayen bhikar jaati hain
koi dil mein jagah nayi, baaton ke liye rakhta hai
koi apni palko par yaadon ke diye rakhta hai
kehne ko saath apane
ek duniya chalti hai
per chhupke is dil mein
tanhaayi palti hai
bas yaad saath hai
teri yaad saath hai – 3

Advertisements

~ by Neha Sinha on February 5, 2008.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: